منتديات حبايب

اهلا وسهلا

حيااكم في منتديات حبايب





نرجووا التسجيل

||حياكم في منتديات حبايب ~

ادخلوا قــروب حبــــايب group236386@groupsim.com
ادارة منتــــديات حبـــايب ترحــب بكــم .. }

دخول

لقد نسيت كلمة السر

احصائيات

أعضاؤنا قدموا 812 مساهمة في هذا المنتدى في 372 موضوع

هذا المنتدى يتوفر على 47 عُضو.

آخر عُضو مُسجل هو الذئب فمرحباً به.

المواضيع الأخيرة

» وداعا للســياحة والاستثـمـار بالمغـــرب
الثلاثاء يونيو 17, 2014 12:36 am من طرف كناري

» تأجير سيارات بأسعار لا تقبل المنافسه
الثلاثاء مايو 27, 2014 12:03 am من طرف فدوشة

» ايجار سيارات وليموزين ورحلات سياحية
السبت فبراير 09, 2013 3:35 am من طرف تورست كار

» مطلوب للتعيين فى 25 دقيقة
الأربعاء يناير 16, 2013 3:32 am من طرف تورست كار

» 2windesign company
الثلاثاء يوليو 17, 2012 12:42 am من طرف 2windesign

» تأجير سيارات بأسعار لا تقبل المنافسه & تورست كار &
الإثنين مايو 28, 2012 11:37 am من طرف تورست كار

» تأجير سيارات بأسعار لا تقبل المنافسه & تورست كار &
الأربعاء أبريل 11, 2012 9:06 am من طرف تورست كار

» أحدث أنواع السيارات والليموزين والخدمات السياحية
الأربعاء أبريل 11, 2012 9:05 am من طرف تورست كار

» إيجار سيارات وليموزين وخدمات سياحية
الأربعاء أبريل 11, 2012 9:00 am من طرف تورست كار


    ذكريات طفل داشر

    شاطر
    avatar
    MESSI SMOL

    ذكريات طفل داشر

    مُساهمة من طرف MESSI SMOL في الجمعة ديسمبر 04, 2009 11:42 am

    أول شي الطفل الداشر راح اطلق عليه اسم امممم[ جحلط ]
    وكل شي بقوله والله انه صدق ،، ولا تسالوني من هو هالطفل الداشر
    ,,
    التعريف بالطفل :: ولد في احد مدن نجد وكان الطفل مهجن
    المهم ان الورع هذا مصرقع وكان معه شباب بعمره وكلهم
    يقربون له وكان هو الرئيس حقهم ..!
    ×××××××××××××××××××××××××××××××××××××
    السالفه الأولى ::
    مره من المرات تهاوشوا مع عيال
    جيرانهم كالعاده المهم انه كان يبي ينتقم منهم لانهم كمخوا ولد اخوه
    المهم انه انتظرهم انتظرهم ما طلعوا ..!
    .. وكان جيرانهم عندهم حوش غنم ورى بيتهم
    قال مالنا الا نطب في حوشهم ونلعب في غنمهم طبوا الدشيره الحوش
    الا وهذاك البربري المزيون قدامهم .. المهم كان معهم شروخ وصواريخ
    طلب من الزكرتيه الي معه يمسكون البربري حجروله بازاويه ومسكوه قام هو وحط
    الصاروخ في مؤخرة البربري وشبه ( " أشعل النار << عشان بعض الناس يفهمون )
    والله يالربع ان البربري قام يطامر يطامر
    لين انفقع الصاروخ المهم الي معه بدوا يرحمون البربري قالوا حرام يا جحلط
    قال اقول امسكوه المهم مسكوه مره ثانيه وقال بحط فيه شرخ هالمرة تعرفونها
    الشروخ القديمه الكبار هذيك الي يرسم عليها صورة بطريق المهم حط الشرخ
    وشبّه وانفقع الشرخ لين قامت مؤخرة البربري تقوطر دمّان
    المهم البربري انسدح على جمبه واللي معه قاموا يهاوشون جحلط
    حرام عليك خاف ربك ..!
    ,
    ,
    ,
    المهم قال لازم ننهي عليه عشان نريحه اسدحوه على جمبه سدحوه وراح
    هو اخذ بلكه ( <-- حجره كبيره ) المهم وقال بفقع راسه وفعلاً نفذ المهمه
    بكل نجاح وذبح البربري السالفه هذي صارت الساعه 7 الصبح نام
    جحلط ويوم قام المغرب لقا عيال جيرانهم يسحبون البربري المزيون
    الملطخ بالدم فـ الشارع
    ×××××××××××××××××××××××××××××××××××××
    السالفه الثانيه ::
    مره جحلط كالعاده قاعد بالشارع مع اخوياه وكان قدام بيتهم سكن شركه
    المهم ان فيه مصري جايب الديّنا وملبقها وهي حقت عصيرات لـ سوبر ماركت
    المهم جوا الدشيرة يبون يشلحونها جحلط والي معه ما قدروا يكسرون القفل راح جحلط وجاب
    ماصوره وقال وخروا بس ويصك هذاك القفل الا هو متكسر فتح الباب ولقا انواع
    الكراتين المهم ان جحلط يسعبل على العصير اخذ انواع الكراتين عبى ثلاجة
    بيتهم وعبى الفريزر المهم يوم خذوا الكراتين وشاف الوضع أوكي راح يركض
    لسكن الشركه ويقول فيه ناس سرقوا سيارتكم والله يا شباب ان المصري حق الديّنا
    معطيه كرتون يقول هذا هديه لك عشانك علمتني وجحلط المروح خذاه
    المهم جاء ابو جحلط فتح الثلاجه لقاها كلها عصيرات قال وشذي يا جحلط
    قال بارك لي يبه انا فزت بالدوري وعطوني هالعصيرات هديه ومشاها على ابوه
    لان ابوه شايب الله يرحمه ..!
    ×××××××××××××××××××××××××××××××××××××
    السالفه الثالثه ::
    مره من المرات ابو جحلط جاء وقوم ولده يصلي الجمعه راح جحلط وابوه يصلون
    طلع جحلط من الصلاة طبعاً اول واحد وهو رايح المسجد قرر انه يغير حذيانه
    المهم لقا هذيك الحذيان الجديده وش زينها لبسها جحلط سريع سريع وراح بيتهم
    يوم جاء الليل اجتمعوا دشيرت الحاره جاكم جحلط كاشخ بالحذيان الا ولد عمه يقول
    جحلط الي عليك حذياني صار جحلط سارق حذيان ولد عمه
    وبقى جحلط بدون حذيان حافي القدمين تزحلطن عليه القديمه والجديده
    المهم جحلط كبر وسبحان مغير الأحوال جحلط الحين صار عاقل وهادي جداً
    الي كان يشوفه اول على صياعته ودشيرته ما يصدق ان هذا هو جحلط القديم !
    ×××××××××××××××××××××××××××××××××××××
    السالفه الرابعه ::
    مره جحلط تهاوش مع ولد اخته [ شليويح ] المهم ان ولد اخته هذا فزع
    معه ولد عمه وطقو المسكين جحلط لانهم جوه غدر مع انه اول ماكان
    ينطق وسطروا الضعيف جحلط كان متأثر مره من شي اسمه افــلام
    المهم راح عنده اخوه الكبير قال شليويح و ولد عمه طقوني وانا باخذ حقي
    قال اخوه الكبير بقسهم ، راح جحلط غرفة أخوه الكبير عاد أخوه الكبير
    حق قنص وعنده دربـيـل صغير خذاه جحلط واخذ معه سلسلة وماصوره
    وقعد يسحب رجلينه بالشارع يدورهم بالاخير حصلهم بالحديقه كان فيها
    ملاهي يروحون يلعبون شوفوا اشلون جحلط متأثر بالأفلام دخل وقعد
    ورى الشجر وقعد يـدربـل عليهم يقاله ذيب ينتظر الفرصه عشان
    يـهجـم عليهم المهم هجم عليهم جحلط ومغطهم تمغيط بالحديقه راحوا
    يصيحون بالبيت وحاقدين على جحلط لما جاء الليل متاخر جاء
    جحلط بيدخل البيت وتفآجأ ان العائله قالبه عليه كلهم ليه يصفق
    شليويح لانه سطره تسطير الضعيف وقعد جحلط بالشارع قام اخذ بلكه
    وحلتها عـ البيت قسم بالله يا شباب انها جت براس [ شليويح ] يقول
    جحلط ماكان قصدي اطق احد بس ابي اخوفهم يقول مادريت
    الا شليويح طالع علي مفلوق يصيح



    مع تحيات/MESSI SMOL affraid affraid
    avatar
    ĴÚŜŧįŅ
    { مشــرف }
    { مشــرف }

    رد: ذكريات طفل داشر

    مُساهمة من طرف ĴÚŜŧįŅ في الجمعة مارس 05, 2010 6:32 pm

    مشكور على الموضوع الحلو Razz

    مع تحياتي :

    D7ooM afro
    avatar
    ملك الحب
    { مشــرف }
    { مشــرف }

    رد: ذكريات طفل داشر

    مُساهمة من طرف ملك الحب في الأحد سبتمبر 12, 2010 2:34 pm

    مشكووور والله وسعت صدري
    avatar
    MR.SULTOoONE

    رد: ذكريات طفل داشر

    مُساهمة من طرف MR.SULTOoONE في الأحد سبتمبر 12, 2010 2:55 pm

    مشكوررر على الموضوع الرائع

    مع تحياتي:"MR.SULTOoONE"
    lol!
    avatar
    i..s..r
    { مديــر }
    { مديــر }

    رد: ذكريات طفل داشر

    مُساهمة من طرف i..s..r في الجمعة سبتمبر 17, 2010 5:50 pm

    مشكوور على الموضوع


    وتقبل مرور يالمتواضع


    _________________________






      الوقت/التاريخ الآن هو الجمعة مارس 24, 2017 7:49 pm